ტაჯიკეთმა და ჩინეთმა ორმხრივი ურთიერთობის გაფართოების ხელშეკრულებებს მოაწერეს ხელი
ტაჯიკეთმა და ჩინეთმა დუშანბეში გააფორმეს 18 ხელშეკრულება ორმხრივი ურთიერთობის გაფართოების მიზნით.
დოკუმენტებს ხელი მოაწერეს ორი ქვეყნის პირველმა პირებმა 15 ივნისს, ჩინეთის ლიდერის, სი ძინ პინის ტაჯიკეთში ვიზიტისას, როცა ის შეხვდა მასპინძელს და კოლეგას, იმომალი რაჰმონს.
სი ძინ პინი ტაჯიკეთში ჩავიდა ორმხრივი მოლაპარაკებისა და აზიის ლიდერების სამიტზე დასასწრებად.
სხვათა შორის ხელი მოაწერეს დოკუმენტებს ტერორიზმთან ბრძოლის, ინვესტიციების, სოფლის მეურნეობის და ერთობლივი საწარმოების შექმნის შესახებ. ჩინეთის ელჩის, ლიუ ბინის თანახმად, ტაჯიკეთსა და ჩინეთს შორის ორმხრივი ვაჭრობის მოცულობა მილიონ ნახევარ დოლარს აღწევდა 2018 წელს. მისი თქმით, ჩინეთი ტაჯიკეთის უდიდესი ინვესტორია და სიდიდით მესამე სავაჭრო პარტნიორი.
უფრო ადრე სი ძინ პინმა მონაწილეობა მიიღო „აზიაში ურთიერთქმედებისა და ნდობის ღონისძიებების თათბირის“ 28 ლიდერის სამიტში.