უკრაინაში გადადგნენ უშიშროების სამსახურის უფროსი და თავდაცვის მინისტრი
უკრაინაში გადადგნენ უშიშროების სამსახურის უფროსი ვასილი გრიცაკი და თავდაცვის მინისტრი სტეპან პოლტორაკი. ეს მოხდა პრეზიდენტად ვოლოდიმირ ზელენსკის ინაუგურაციის შემდეგ.
20 მარტს სახელმწიფოს მეთაურის რანგში თავისი პირველი გამოსვლისას, ზელენსკიმ განაცხადა, რომ აუცილებელია უშიშროების სამსახურის, თავდაცვის სამინისტროსა და გენპროკურატურის ხელმძღვანელების გადადგომა. ჯერ არ გავრცელებულა ცნობა გენერალური პროკურორის, იური ლუცენკოს გადაწყვეტილების შესახებ.
მანამდე გადადგომის შესახებ გამოაცხადეს ეროვნული უშიშროების საბჭოს მდივანმა ალექსანდრ ტურჩინოვმა და საგარეო საქმეთა მინისტრმა პაველ კლიმკინმა.
პრეზიდენტმა თქვ ასევეა, რომ დათხოვნილად აცხადებს პარლამენტს. საკანონმდებლო ორგანოს თავმჯდომარის მოადგილე ირინა გერაშჩენკომ არაკონსტიტუციური უწოდა ამ ნაბიჯს.
წინასწარი ინფორმაციით, ვადამდელი საპარლამენტო არჩევნები შესაძლოა, 14 ივლისს გაიმართოს. მანამდე დეპუტატები შეინარჩუნებენ უფლებამოსილებას.