NDI: საზოგადოებრივ მაუწყებელს 3% ენდობა
ტელეარხების ნდობის რეიტინგში საზოგადობრივი მაუწყებელი და „აზ ტე-ვე“ ერთნაიარი 3%-იანი მაჩვენებლით მოხვდა გამოკითხვაში.
32%-იანი ნდობა აქვს ტელეკომპანია „იმედს“, მას 4%-ით ჩამორჩება „რუსთავი 2“ - 28%-იანი ნდობის მაჩვენებლით.
კვლევის თანახმად, ინფორმაციის წყაროდ 72 % ტელევიზიას ასახელეს, 21 % კი ინტერნეტსა და Facebook-ს. მეზობლებსა და მეგობრებს კი 3 %.
კვლევის საველე სამუშაოები 28 მარტი -15 აპრილის პერიოდში იმ ქალაქებში ჩატარდა, რომელთა მოსახლეობა არის 40 ათასზე მეტი. ესენია: ბათუმი, ზუგდიდი, რუსთავი, ფოთი, გორი და ქუთაისი.
NDI აღნიშნავს, რომ კვლევის შედეგების საშუალო ცდომილების ზღვარი +/- 2,3 %-ია.