პუტინი: ფხენიანს „გარანტიები“ სჭირდება თავისი ბირთვული პროგრამის შეწყვეტამდე
რუსეთის პრეზიდენტმა, ვლადიმირ პუტინმა ჩრდილოეთი კორეის ლიდერთან თავისი პირველი პირისპირ შეხვედრის შემდეგ განაცხადა, რომ ფხენიანს თავისი ბირთვული პროგრამის შეწყვეტამდე სჭირდება „უსაფრთხოების გარანტიები“.
პუტინმა დასძინა, რომ ასეთი გარანტიები შეთავაზებულ უნდა იქნეს საერთაშორისო ჩარჩოში. პუტინმა ეს განაცხადა ვლადივოსტოკში ჩრდილოეთი კორეის ლიდერ კიმ ჩენ ინთან ერთდღიანი სამიტის შემდეგ.
კიმმა განაცხადა, რომ მას „ძალიან მნივშნელოვანი“ საუბარი ჰქონდა რუსეთის პრეზდენტთან. 25 აპრილის სამიტი უნივერსიტეტის კამპუსში გაიმართა.
ორი ლიდერის დახურულ კარს მიღმა საუბარი ეხებოდა კორეის ნახევარკუნძულზე ვითარების გაუმჯობესებას.
კიმმა რუსეთის ლიდერთან შეხვედრის შემდეგ განაცხადა, რომ მათ ისაუბრეს ორმხრივ ინტერესებზე დაგანიხილეს მშვიდობიანი მოგვარების გზები.
პუტინის და კიმის შეხვედრა შედგა აშშ-თან ფხენიანის ჩაშლილი მოლაპარაკების შემდეგ, როცა განიხილეს კორეის ნახევარკუნძულის ბირთვული იარაღისგან განთავისუფლების თემა. შეხვედრას შედეგი არ მოჰყვა, რადგან ფხენიანმა სანაცვლოდ მოითხოვა მისთვის დაწესებული ეკონომიკური სანქციების გაუქმება, რასაც ვაშინგტონი არ დაეთანხმა.