უკრაინაში ხმების მთლიანად დათვლის შედეგებით, ზელენსკის მიემხრო ამომრჩეველთა 73%
უკრაინაში საპრეზიდენტო არჩევნების მეორე ტურის ყველა ბიულეტენის დათვლის შედეგებით, შოუმენ ვლადიმირ ზელენსკის ერგო ხმების 73,22%. ცენტრალური საარჩევნო კომისიის მონაცემებით, ზელენსკის ხმა მისცა 13,5 მილიონამდე ადამიანმა.
მოქმედმა პრეზიდენტმა პეტრო პოროშენკომ კი მიიღო ხმების 24%, რაც 4,5 მილიონამდე ადამიანს შეესაბამება.
ცენტრალურმა საარჩევნო კომისიამ გაუქმებულად გამოაცხადა ბიულეტენების 2%.
იუწყებიან აგრეთვე, რომ 21 აპრილს საპრეზიდენტო არჩევნების მეორე ტურში მონაწილეობდა ელექტორატის 61% პროცენტი.
ზელენსკი 3 ივნისამდე უნდა შეუდგეს პრეზიდენტის მოვალეობების შესრულებას.