გარდაიცვალა ბრიტანელი მუსიკოსი სკოტ უოკერი
გარდაიცვალა ბრიტანელი მუსიკოსი, სკოტ უოკერი, რომელიც 77 წლისა იყო. მას ბრიტანეთის როკ-მუსიკის ისტორიაში ერთ-ერთ ყველაზე გავლენიან მუსიკოსად თვლიან.
უოკერის სიკვდილის შესახებ ცნობა გაავრცელა ლეიბლმა 4AD-მ, რომელთანაც მომღერალი, კომპოზიტორი, პოეტი და მუსიკალური პროდიუსერი თანამშრომლობდა.
უოკერი აშშ-ში დაიბადა და უკვე მოზარდმა დაიწყო კონცერტებით გამოსვლა. მან სახელი გაითქვა ჯგუფში სახელწოდებით, The Walker Brothers, რომელმაც 1964 წელს დაიწყო გამოსვლები.
1965 წელს მუსიკოსი ლონდონში გადასახლდა და მისმა ჯგუფმა ბრიტანული ჩარტებში ლიდერობა მოიპოვა. 1969 წელს უოკერი მღეროდა ტელეარხ „ბი-ბი-სი-ში“ საკუთარი შოუში.
1984 წელს მან მუსიკალური კარიერა მიატოვა და მხოლოდ ათი წლის შემდეგ კვლავ დაბრუნდა.
უოკერის ბოლო ნამუშევარი იყო მუსიკა ბრედი კორბეტის ფილმისთვის „ხმა ლუქსი“, რომელშიც მთავარი როლი ითამაშა ნატალი პორტმენმა.