აშშ პაკისტანს მოუწოდებს დასაჯოს ქაშმირის თავდამსხმელები
აშშ პაკისტანს მოუწოდებს დასაჯოს ქაშმირში ინდოეთის სამხედროებზე თავდასხმის ორგანიზატორები, ისლამაბადსა და დელის შორის მზარდი დაძაბულობის ფონზე.
14 თებერვლის თავდასხმაზე, რომელსაც ემსხვერპლა 40-ზე მეტი ინდოელი სამხედრო, პასუხისმგებლობა იკისრა პაკისტანში დაფუძნებულმა ექსტრემისტულმა ჯგუფმა, ჯაიშ-ე მოჰამადმა. ინდოეთმა პაკისტანი გააფრთხილა, რომ ამ თვითმკვლელი მოეიერიშის მიერ მოწყობილ თავდასხმას მკაცრი პასუხი მოჰყვება.
"ინდოეთის ხელისუფლებასთან ახლო კონტაქტი გვაქვს, რათა არა მხოლოდ ჩვენი სამძიმარი გამოვხატოთ, არამედ ინდოეთს მხარი დავუჭიროთ ტერორიზმთან ბრძოლაში" - უთხრა თეთრი სახლის პრესმდივანმა, რომერტ პალადინომ ჟურნალისტებს 19 თებერვალს და დასძინა - "პასკისტანს მოვუწოდებთ სრულად ითანამშრომლოს გამოძიებასთან და დასაჯოს პასუხისმგებელი პირები".