ვენესუელაში მცირე ხნით დააპატიმრეს პარლამენტის სპიკერი, პრეზიდენტის ოპონენტი ხუან გუაიდო

ვენესუელაში სპეცსამსახურის აგენტებმა მცირე ხნით დააკავეს ოპოზიციონერი პოლიტიკოსი და ქვეყნის საკანონმდებლო ორგანოს, ეროვნული ასამბლეის თავმჯდომარე ხუან გუაიდო. პოლიტიკოსის დაკავების შესახებ კვირას განცხადეს სპიკერის მეუღლემ და რამდენიმე ოპოზიციონერმა დეპუტატმა.


 


ამის შემდეგ სამართალდამცველებმა გუაიდო მალევე გაათავისუფლეს.


 


პარსკევს გუაიდომ განაცხადა, რომ მზად არის საკუთარ თავზე აიღოს ქვეყნის პრეზიდენტის ფუნქცია მას შემდეგ, რაც ვენესეულას ოპოზიციამ სასტიკად გააკრიტიკა პრეზიდენტ ნიკოლას მადუროს გამოცხადება სახელმწიფოს მეთაურად მეორე ვადით.


 


გასულ ხუთშაბათს ნიკოლას მადურომ პრეზიდენტის ფიცი დადო და ოფიციალურად შეუდგა მოვალეობის შესრულებას. აშშ-მა და ლათნური ამერიკის ქვეყნებმა არ აღიარეს არჩევნების შედეგები და მადუროს უწოდეს უზურპატორი.