გადაუღებელმა წვიმამ სოფელ ჰერეთისკარში სახლები დატბორა
სტიქიაა ლაგოდეხის მუნიციპალიტეტის სოფელ ჰერეთისკარში. რადიო თავისუფლების კორესპონდენტის ინფორმაციით, რამდენიმესაათიანი გადაუღებელი წვიმის შედეგად დატბორილია საცხოვრებელი სახლების პირველი სართულები, სარდაფები, ეზოები და საკარმიდამო ნაკვეთები. ადგილობრივები დახმარებას ითხოვენ: „ამ წუთებში ისევ წვიმს. მიუხედავად იმისა, რომ მუშაობს ტექნიკა, წყალი იმდენად ბევრია, რომ ვერ ესრება მისი ამოტუმბვა“, - უთხრა რადიო თავისუფლებას ჰერეთისკარის მკვიდრმა მურმან დუმბაძემ. წვიმა ლაგოდეხის მუნიციპალიტეტში წუხელ დაიწყო და ამ დრომდე გრძელდება.