Ռոնալդուն հաշվել է, թե քանի «Ոսկե գնդակ» է կորցրել
Թուրինի «Յուվենտուսի» և Պորտուգալիայի ազգային հավաքականի հարձակվող Կրիշտիանու Ռոնալդուն կարծիք է հայտնել, որ կարող էր ևս երկու «Ոսկե գնդակ» ստացած լիներ, եթե Իտալիա տեղափոխված չլիներ:
Ինչպես հայտնում է lenta.ru-ն` հղում անելով ABC-ին, պորտուգալացին Մադրիդի «Ռեալ»-ից իր նախկին թիմակցի հետ զրույցում ափսոսանք է հայտնել «Յուվենտուս» տեղափոխվելու համար: Ռոնալդուի կարծիքով՝ աշխարհում ոչ մի թիմ չունի այն հեղինակությունը, որը վայելում է «Ռեալ»-ը:
Ռոնալդուն նշել է, որ 2018-ին և 2019-ին ինքը պետք է ստանար «Ոսկե գնդակը»: Իսկ իր «կորցրած» մրցանակները բաժին են հասել Լուկա Մոդրիչին («Ռեալ») և Լեո Մեսսիին («Բարսելոնա»):
Հիշեցնենք, որ Ռոնալդուն իտալական ակումբ է տեղափոխվել 2018-ին: Վերջինս իր կարիերային ընթացքում արժանացել է 5 «Ոսկե գնդակի»: Իսկ Մեսսին, այս տարի ևս արժանանալով աշխարհի լավագույն ֆուտբոլիստի տիտղոսին, մեկ «Ոսկե գնդակով» շրջանցեց նրան: