Քաղաքապետարանի կողմից «Ջերմուկ Գրուպին» տրվել են շինաշխատանքների թույլտվություններ՝ փոխարեն ստանալով 5 ձնամաքրման մեքենա․ Թեհմինա Վարդանյան
Երևանի ավագանու «Լույս» խմբակցության անդամ Թեհմինա Վարդանյանը ֆեյսբուքյան իր էջում գրառում է կատարել՝ տեղեկացնելով, որ քաղաքապետարանը շինթույտվություններ է տվել «Ջերմուկ Գրուպին»՝ փոխարենը ստանալով ձնամաքրման մեքենաներ։
Գրառումն ամբողջությամբ ներկայացնում ենք ստորև․
«Հստակ տեղեկություններ ունեմ, որ սույն թվականի սեպտեմբեր ամսին քաղաքապետարանի կողմից «ՋԵՐՄՈՒԿ ԳՐՈՒՊ» ընկերությանը տրվել են Արշակունյաց 18, 18/4, 18/5 և 18/10 հասցեներում շինարարական աշխատանքներ իրականացնելու թույլտվություններ, իսկ փոխարենը՝ 5 ձնամաքրման մեքենա։ Մենք մինչ այս խոսում էինք աղբատար մեքենաների մասին, բայց արի ու տես, որ սա դեռ ամենը չէ։ Էլ ի՞նչ սպասենք Ձեզանից, պարոնա՞յնք։ Սա համապատասխանու՞մ մ է իրականությանը։
4 բազմաբնակարան շենքի կառուցման թույլտվությունը ՝ 5 ձնամաքրման մեքենա։
Հետայսու, վստահ եղեք, յուրաքանչյուր շին. թույլտվություն անցնելու է խոշորացույցի տակով։ Վերջին զարգազումները ցույց տվեցին, որ պետք չէվստահել ընտրված քաղաքապետին, ցավոք։
Երկուշաբթի հարցում եմ ուղարկելու քաղաքապետին և պահանջեմ վերը նշված շենքերի թույլտվությունները»,-գրել է նա։