«Թաղման բյուրոյի» ղեկավարը ներկայացրել է տեսանյութ, թե ինչպես են շենք ներխուժել և սեյֆը կոտրել
«Բնակչության հատուկ սպասարկում» ՀՈԱԿ-ի ղեկավար Արման Իսկանդարյանը ֆեյսբուքյան իր էջում գրառում է կատարել` տեղեկացնելով, որ նոյեմբերի 22-ի ուշ գիշերն անհայտ անձինք ներխուժել են «Բնակչության հատուկ սպասարկում» (թաղման բյուրո) ՀՈԱԿ-ի վարչական շենք և բացել են սեյֆը: «Նոյեմբերի 22-ին, գիշերվա ժամը 3:00-ից 5:00-ի սահմաններում ներխուժել են «Բնակչության հատուկ սպասարկում» ՀՈԱԿ-ի վարչական շենք, բացել են սեյֆը, ոչինչ չհայտնաբերելով` …
The post «Թաղման բյուրոյի» ղեկավարը ներկայացրել է տեսանյութ, թե ինչպես են շենք ներխուժել և սեյֆը կոտրել appeared first on ԳԱԼԱ.
«Բնակչության հատուկ սպասարկում» ՀՈԱԿ-ի ղեկավար Արման Իսկանդարյանը ֆեյսբուքյան իր էջում գրառում է կատարել` տեղեկացնելով, որ նոյեմբերի 22-ի ուշ գիշերն անհայտ անձինք ներխուժել են «Բնակչության հատուկ սպասարկում» (թաղման բյուրո) ՀՈԱԿ-ի վարչական շենք և բացել են սեյֆը:
«Նոյեմբերի 22-ին, գիշերվա ժամը 3:00-ից 5:00-ի սահմաններում ներխուժել են «Բնակչության հատուկ սպասարկում» ՀՈԱԿ-ի վարչական շենք, բացել են սեյֆը, ոչինչ չհայտնաբերելով` հեռացել են: Դեպքը քննում է ոստիկանությունը»,- գրել է նա` հրապարակելով համապատասխան տեսանյութ:Ինչպես ավելի վաղ հայտնել էր SHAMSHYAN.com-ը, տեղեկություններով, Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում նյութեր են նախապատրաստվում նոյեմբերի 22-ին, Էրեբունի վարչական շրջանում տեղի ունեցած դեպքի փաստով:
Ժամը 08:00-ի սահմաններում, ոստիկանության Էրեբունու բաժին ահազանգ էր ստացվել, որ Էրեբունի փողոցի թիվ 6/1 հասցեում գտնվող «Բնակչության հատուկ սպասարկում»՝ ժողովրդին հայտնի՝ «թաղման բյուրոյի» ներսի դռները կոտրել են և սենյակների իրերը տակնուվրա արել:
Տեղում տնօրեն Արման Իսկանդարյանը ոստիկաններին ու քննիչներին հայտնել էր, որ նույն օրը՝ ժամը 03:00-ից մինչև 04:00-ն ընկած ժամանակահատվածում, անհայտ անձը կամ անձինք պատուհանի ապակին կոտրելու միջոցով մուտք են գործել «թաղման բյուրո», տակնուվրա արել, սակայն՝ ըստ նախնական տեղեկությունների, իրենց կամքից անկախ հանգամանքներում հանցագործությունը ավարտին չեն հասցրել և ոչինչ չգողանալով, հեռացել են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
The post «Թաղման բյուրոյի» ղեկավարը ներկայացրել է տեսանյութ, թե ինչպես են շենք ներխուժել և սեյֆը կոտրել appeared first on ԳԱԼԱ.