Երևանում ուսանողների միջև վիճաբանությունն ավարտվել է ծեծկռտուքով. կան վիրավորներ. Shamshyan.com
Հոկտեմբերի 11-ին վիճաբանություն-ծեծկռտուք է տեղի ունեցել Երևանում: Ժամը 16:40-ի սահմաններում «Սբ. Գրիգոր Լուսավորիչ» բժշկական կենտրոնից ոստիկանության Քանաքեռ-Զեյթունի բաժին ահազանգ է ստացվել, որ մարմնական վնասվածքներով իրենց մոտ են տեղափոխվել երկու երիտասարդ:
Ինչպես հայտնում է Shamshyan.com-ը, ոստիկանները պարզել են, որ «ճակատի պատռված վերքեր» ախտորոշմամբ հիվանդանոց են տեղափոխվել Էջմիածին քաղաքի բնակիչներ, 19-ամյա Հենրիկ Ե.-ն և 18-ամյա Գրիգոր Կ.-ն:
Ոստիկանները պարզել են, որ նշված անձինք Դավիթ Անհաղթի փողոցի 4 հասցեի մոտ վիճաբանության ժամանակ միմյանց փոխադարձ հարվածներ են հասցրել:
Աղբյուրի տեղեկություններով՝ Հենրիկ Ա.-ն սովորում է Ֆրանսիական համալսարանում, իսկ Գրիգոր Կ.-ն՝ Եվրոպայական ակադեմիայում: