Սանկտ Պետերբուրգում ձերբակալել են հայազգի գործարարի սպանության կասկածյալին
Սանկտ Պետերբուրգում ձերբակալվել է 32-ամյա տղամարդը, որը կասկածվում է 2019-ի մարտին մերձմոսկովյան Միտիշչինի շրջանում գործարար, 1984 թվականի ծնված Գևորգ Թումանյանի սպանության մեջ:
Ինչպես հաղորդում է Рен ТВ-ն՝ հղում անելով ՌԴ Քննչական կոմիտեին, հետաքննության նախնական տվյալներով՝ կասկածյալը երկար տարիներ թշնամանք է տածել գործարարի նկատմամբ: 2019-ի մարտի 14-ին Բորիսովկա փողոցի բարձրահարկ շենքերից մեկի մուտքում երեք կրակոց է արձակել գործարարի ուղղությամբ և թաքնվել:
Հեռուստաալիքի տվյալներով՝ հանցագործություն կատարելիս կասկածյալի մեքենայում գտնվել է նրա հանցակիցը:
Ցուցմունք տալուց ձերբակալված անձը հրաժարվել է: