Մոսկվայում 18-րդ դարի մարմարե քանդակ են հայտնաբերել
Մոսկվայի հարավարևելյան Լյուբլինո շրջանում գտնվող կալվածքում աշխատանքներ իրականացնելիս շինարարները մարմարե քանդակ են հայտնաբերել, որը պատկանում է 18-րդ դարին: РИА Новости-ի փոխանցմամբ՝ այս մասին իր թվիթերյան էջում հայտնել է Մոսկվայի քաղաքապետ Սերգեյ Սոբյանինը:
«Շինարարներն արձանը հայտնաբերել են Լյուբլինոյի կալվածքում տարվող աշխատանքների ժամանակ: Այնտեղ բարեկարգման և կանաչապատման աշխատանքներ են տարվում: Հնագետները պարզել են, որ «Լռություն» կոչվող դիցաբանական քանդակը կանգնած է եղել առանձնատան մուտքի մոտ», - գրել է Սոբյանինը:
Վերջինս նշել է, որ արժեքավոր գտածոն արդեն ուղարկվել է վերականգնման: