Ռոնալդուն հավասարվել է Մեսսիին` Չեմպիոնների լիգայում ձևակերպած հեթ-տրիկների քանակով
Թուրինի «Յուվենտուսի» պորտուգալացի հարձակվող Կրիշտիանու Ռոնալդուն հեթ-տրիկ է ձևակերպել Չեմպիոնների լիգայի 1/8 եզրափակչի` Մադրիդի «Աթլետիկոյի» հետ պատասխան խաղում ու օգնել թուրինցիներին դուրս գալ քառորդ եզրափակիչ:
Առաջին խաղում «Յուվենտուսը» 0:2 հաշվով պարտություն էր կրել Մադրիդում:
Այսպիսով, Ռոնալդուն հեղինակել է իր 8-րդ հեթ-տրիկը Չեմպիոնների լիգայում: Այս ցուցանիշով, նա առաջին տեղը կիսում է «Բարսելոնայի» արգենտինացի հարձակվող Լիոնել Մեսսի հետ: Նրանց մոտակա հետապնդողները 3-ից ավելի հեթ-տրիկ չունեն:
34-ամյա Ռոնալդուն «Յուվենտուս» է տեղափոխվել անցած ամառ «Ռեալից»: Տրանսֆերի արժեքը կազմել է 117 մլն եվրո:
Ընթացիկ մրցաշրջանում հարձակվողն Իտալիայի առաջնության 26 հանդիպման է մասնակցել, որոնցում դարձել է 19 գոլի և 8 գոլային փոխանցման հեղինակ: