2030 թվականի Դելին կդառնա ամենախիտ բնակեցված խոշորագույն քաղաքն աշխարհում
Հնդկաստանի Դելի քաղաքը 2030 թվականին կդառնա աշխարհի քաղաքային խոշորագույն ագլոմերացիան՝ 39 մլն բնակչությամբ՝ շրջանցելով Տոկիոյին: INTERFAX.RU-ի փոխանցմամբ՝ նման կանախատեսումներ է ներկայացրել ՄԱԿ-ի ազգաբնակչության հարցերով բաժինը:
Ճապոնիայի մայրաքաղաքը կհայտնվի երկրորդ տեղում, այստեղ կբնակվեն շուրջ 36.6 մլն մարդ: Առաջատար հնգյակում կընդգրկվեն նաև Շանհայը (32.9 մլն), Բանգլադեշի մայրաքաղաք Դաքքան (28.1 մլն) և Կահիրեն (25.5 մլն):
Ինչպես նշվում է, Մոսկվան կզբաղեցնի 28-րդ տեղն ամենամեծ քաղաքների ցանկում, որի բնակիչների թիվը կկազմի 12.8 մլն։
ՄԱԿ-ի փորձագետները կանխատեսում են, որ 2030 թվականին ընդհանուր առմամբ 703 քաղաք կլինի՝ միլիոնանոց բնակչությամբ, որոնցից 43-ի բնակչությունը կգերազանցի 10 մլն-ը: