Ֆուտբոլի աշխարհի առաջնության համար ՌԴ մեկնած եգիպտացի զույգն ամուսնացել է Վոլգոգրադում
Եգիպտոսի ֆուտբոլի ազգային հավաքականի երկրպագուներ Դինա Ամինն ու Մոհամեդ Ալդրաբին, որոնք Ռուսաստան են այցելել Ֆուտբոլի աշխարհի առաջնությունը դիտելու համար, ամուսնացել են Վոլգոգրադում: Այս մասին հայտնում է Gazeta.ru-ն:
Ինչպես նշում է RT-ն, հարսանիքը տեղի է ունեցել հունիսի 25-ին՝ Եգիպտոսի ու Սաուդյան Արաբիայի հավաքականների հանդիպման ժամանակ: Փեսացուն դասական սև կոստյում է կրել, իսկ հարսնացուն՝ փակ սպիտակ զգեստ:
«Երիտասարդները շատ հավատացյալ են, ահա թե ինչու նախապես ու մանրակրկիտ են պատրաստվել: Եգիպտոսում նիկահ են արել (իսլամական ամուսնություն), իսկ հարսանիքն արել են այստեղ»,- պատմել է Վոլգոգրադի մարզում արաբական համայնքի ղեկավար Օմար Աբդուլա Նասերը:
Հիշեցնենք, որ օրեր առաջ Մոսկվայի կենտրոնում Ֆուտբոլի աշխարհի առաջնության երկրպագուները պարել են հայկական «Մի գնա» երգի հնչյունների ներքո: Համապատասխան տեսանյութը հրապարակվել է Instagram-ի հայկական էջերից մեկում: