«Երևան Մոլի» հաջողակ հաճախորդը շահեց Ford KUGA ավտոմեքենան, հայտարարվեց 5 մլն դրամ մրցանակային ֆոնդով հաջորդ խաղարկության մասին (լուսանկարներ)
«Երևան Մոլում» տեղի ունեցավ Ford KUGA մակնիշի ավտոմեքենայի խաղարկությունը:
Արշակունյաց 34 հասցեում գտնվող առևտրի ու ժամանցի կենտրոնի խաղարկության շուրջ 3000 մասնակիցներից օրվա հաջողակը Արմեն Սիրեկանյանն էր, ով, մեքենայի բանալին ստանալով, հուզված հայտարարեց, որ խաղարկությանը մասնակցել է ընդամենը մեկ կտրոնով՝ ձեռք բերելով նվեր քարտ:
«Եվ ո՞վ կպատկերացներ, որ դրանից հետո կստանայի նման մե՜ծ նվեր»,-հայտարարեց նա:
Իսկ նախքան խաղարկությունը իր երաժշտական ծրագրով ներկայացավ երգչուհի Marbey-ը:
«Երևան Մոլ»-ի մարքեթինգի բաժնի միջոցառումների և վաճառքի մենեջեր Ինգա Մուրադյանը մինչ Ford KUGA ավտոմեքենայի խաղարկությունը լրագրողների հետ զրույցում ասաց, որ մեքենայի խաղարկությանը մասնակցում են «Երևան Մոլի» բոլոր այն հաճախորդները, ովքեր մինչև մայիսի 9-ը ներառյալ կատարել էին միանվագ 15.000 դրամ արժողությամբ երկուանգամյա գնումներ և ստացել էին մեկ խաղարկության քարտ:
Ինգա Մուրադյանը «Երևան Մոլի» բոլոր հաճախորդներին նաև տեղեկացրեց, որ մայիսի սկզբից մեկնարկել է 5 մլն դրամ մրցանակային ֆոնդով մյուս խաղարկությունը:
Խաղարկության քարտ առևտրի կենտրոնի հաճախորդները կարող են ձեռք բերել մինչև հուլիսի 1-ը:
Նշենք, որ միջոցառման օրը «Երևան Մոլ»-ը պարգևատրեց իր այցելուներին՝ առանց պայմանների ակումբային քարտ տրամադրելով: Նշենք, որ ակումբային քարտի միջոցով կատարած գնումների դիմաց հաճախորդները կուտակում են միավորներ և հետագայում որոշակի սահմանաչափի հասնելուց հետո դրանք փոխարինում մոլի խանութների զեղչերի ու նվերների հետ։
«Երևան Մոլ»-ի մարքեթինգի բաժնի միջոցառումների և վաճառքի մենեջեր Ինգա Մուրադյանը նշեց, որ արդեն 4 տարի է, ինչ «Երևան Մոլն» խաղարկություն է անցկացնում, և այս ընթացքում խաղարկվել է թվով 5 ավտոմեքենա:
Ի դեպ, «Երևան Մոլը» մայիսի 16-ին հայտարարել է խելահեղ շոփինգ գիշեր: Ողջ օրը մոլի խանութներում կգործեն մինչև 50% զեղչեր, իսկ շոփինգը կուղեկցվի DJ Leö-ի և DJ Güevo-ի ռիթմիկ բիթերի ուղեկցությամբ: Shopping Night-ին սպասվում է նաև
- Ծաղկային ֆոտոանկյուն
- Beauty Day MAC-ից և Rouge-ից
- Վարսերի հյուսքերի անվճար ծառայություն Her Style գեղեցկության սրահի կողմից
- VS Boutique-ի նոր բույրերի սփրեյինգ:
Մայիսի 16-ին «Երևան Մոլը» կաշխատի մինչև կեսգիշեր: