Իրանի նախագահը լիակատար աջակցություն է խոստանում Սիրիայի վերակառուցման հարցում
Իրանի նախագահ Հասան Ռոհանին հայտարարել է, որ իսլամական պետությունը լիովին պատրաստ է օգնելու Սիրիային վերակառուցելու պատերազմի պատճառով ավերված երկիրը:
«Իրանի կառավարությունը պատրաստ է կանգնելու Սիրիայի կողքին վերակառուցման գործում՝ ներդնելով բոլոր ուժերը, ինչպես կանգնած է եղել Սիրիայի ժողովրդի կողքին ահաբեկչության դեմ պայքարում», - Press TV-ի հաղորդմամբ՝ շաբաթ ասել է Ռոհանին իր սիրիացի պաշտոնակցին՝ Բաշար ալ-Ասադին հղված ուղերձում:
Իր ուղերձում Ռոհանին Սիրիայի նախագահին շնորհավորել է Տարհանման օրվա՝ Սիրիայի ազգային օրվա առթիվ, երբ տոնվում է ֆրանսիական զորքերի վերջին զինվորի տարհանումը, որը տեղի ունեցել 1946-ի ապրիլի 17-ին: