Հանդիպելու եմ բոլոր կուսակցությունների, հկ-ների ու մշակութային, գիտական համակարգերի հետ, որից հետո կկայացնեմ իմ որոշումը. Արմեն Սարգսյան
ՀՀԿ –ի կողմից առաջադրված ՀՀ նախագահի թեկնածու Արմեն Սարգսյանը Հայ հեղափոխական դաշնակցության Բյուրոյում հանդիպման ժամանելուց հետո լրագրողներին տեղեկացրել է, որ շարունակելու է հանդիպումները տարբեր ոլորտների ներկայացուցիչների հետ, ինչից հետո կայացնելու է իր որոշումը:
«Հանդիպելու եմ բոլոր կուսակցությունների հետ, որոնք ներկայացված են ԱԺ-ում և նաև ԱԺ-ից դուրս բոլոր կուսակցությունների, հանրային, հասարակական բոլոր կազմակերպությունների, մշակութային, գիտական, կրթական համակարգերի հետ և դրանից հետո կկայացնեմ իմ որոշումը և վստահ եղեք, որ հաճույքով կպատասխանեմ ձեր բոլոր հարցերին»,-ասաց Արմեն Սարգսյանը լրագրողների այլ հարցերին չպատասխանելով:
Նշենք, որ այս պահին ընթանում է Արմեն Սարգսյանի հանդիպումը ՀՅԴ խմբակցության պատգամավորների, դաշնակցական նախարարների, ՀՅԴ Գերագույն մարմնի եւ Բյուրոյի ներկայացուցիչների հետ:
Իսկ ավելի վաղ Արմեն Սարգսյանը ՀՀԿ կենտրոնական գրասենյակում էր, որտեղ էլ հանդիպում ունեցավ ՀՀԿ խմբակցության պատգամավորների հետ: