ГIалгIайчохь Iазапехь йаллийна йеллачу йоьIан гIуллакхна тIе ца кхочуьйту кхело адвокат
ГIалгIайчохь ницкъбинчул тIаьхьа кхелхинчу 4 шо долчу Муцольгова Самирин бехктакхаман гIуллакхан материалашна тIе ца кхачийтарна бина латкъам Москвара Басманан кхело тергамза буьту аьлла, дIахьедина адвокато Беков Мохьмада.
"Фортанга" хьастана йеллачу комментарихь Бековс дийцина, ша марсхьокху-баттахь чуделла арз форамалехь болчу бухца йухатеттина – цуьнца цхьаьна ордер йацара аьлла. Бековс чIагIдо, ордер талламхочуьнгахь йу гIуллакхан материлашна йукъа йахийтина, документан номер а йоккхура цо. Оцу йукъанна шен латкъам дIататтарх цунна хиъна кхелан сайтехь йолчу информацихула гезгамашин-бутт бовш йа гIадужу-беттан йуьххьехь, ткъа цунна дуьхьало йеш жоп деана кхин цкъа а цо материалаш йехначул тIаьхьа.
Цул тIаьхьа Бековс йуха а арз дира. Бутт гергга хан йаьлла цул тIаьхьа, амма жоп хIинца а кхачанза ду, низамашца пхеа дийнахь латкъам теллина хила безашшехь. Адвокат тешна ву, хенаш лар ца йина кхелан "ледарлонна" аьлла.
Карладоккху, бехктакхаман-процессуалан кодексан артиклийн материалашна тIе ца кхачийтарх талламхочо кхетийра, волайнхочун интересаш доьзална уллорчу адвокато, йа волайнхочо билгалваьккхинчу адвокато листа йезаш йу аьлла. Бековс элира, талламхочо артиклах кхетийна, оцу гIуллакхна йукъа воьду адвокат волайнхоша векал вина хила веза, амма и нийса дац аьлла. Иштта кехат оьшуш ду, волайнхочо тIеозийначу "кхечу стагана".
Кху шеран стигалкъекъа-баттахь кхелхира Муцольгова Самира. Цул а кхо де хьалха дарбанан цIийне кхачийнера иза кхетамчохь йоцуш. Оцу йукъанна лоьраша къастийнера цунна тIехь чолхе чевнаш хилар а, иза пневмоница хилар а, иштта йоI хьизийна билгалонаш хаайеллера цунна тIехь. Талламан комитетехь и хааамаш "бакъ бац" элира.
Самирин нене бехкаш кховдийна хаа а хууш, цунна тIехь къизаллаш лелорна, иштта гIуллакх долийна ненан декхарш кхачам боллуш кхочуш ца дарна. Лаьцна хиллера Самирин ненанана а, амма иза дукха ца Iаш дIахийцира, къизаллаш лелош декъахь иза хиларх тоьшаллаш ца карийна. Хаамабора, оцу йоIана тIехь эвхьазалла лелийна стаг а цхьаьна лаьцна бохуш, оцу информацина тоьшаллаш дац.
Стигалкъекъа-беттан 18 чохь тезет хIоттийра ГIалгIайчохь. Цига баьхкинера масех эзар махкара бахархой, хьаькамаш а, Iеламчаш а цхьаьна. Имамаша а, къаноша а кхайкхамбира, берана тIехь гIело латтийначарна бекхам бе аьлла. ХIетахь дийца даьккхира, стенах йелла, иза хьизийна хиллий хьожуш кхелан-лоьрийн экспертиза йинийла
Йуха йинчу кхелан-лоьрийн экспертихо Самира кхалхаран бахьана лерира цуьнан лейкоз цамгар хиларца, бакъ ца до из хьийзийна бохург. Оцу йукъанна, чIагIдора "Фортанго", хьалхо кхелан-медицинан Бюрохь хьалхо йинчу экспертизо тIечIагIдира йоI хьийзор.
Кхиазхойн гIуллакхашкахула йолчу комиссино сацамбина Самирин ваша а, йиша а аьтто болуш бехачу доьзале дала. Бераш кхаба дIалаьцначун цIе йоккхуш йац.