Макгрегорна тIе шиша кхоьссина Дагестанерчу блогеро
Дагестанерчу Нариман цIе йолчу Instagram блогеро видео арахецна ша Ирландерчу ММА латархочуьнга Макгрегор Конорга хаттар луш яьккхина. Журналисташна тIевеанчу Макгрегоре хаьттина хилла цо, оццул Нурмагомедов Хьабиб а, цуьнан тоба а хьайна цаезаш хилча, дерриг а Дагестанерчу халкъах вониг (кIиллой бу бохуш) хIунда дуьйцу ахь аьлла.
Макгрегор: "Ас эр ду хьоьга хIунда. Цара туьканашкахь сан юхь тIелатийна котамаш йоьхкина. Цара со шаьш цаларар гайтина".
Нариман: "Сан да а, сан ваша а – уьш берш а кIиллой хета хьуна?"
Макгрегор: "ХIаъ, хета".
Нариман: "ХIунда бу уьш кIиллой? ХIун дина хьуна сан дас а, вашас а ахь уьш кIиллой бу баха?" (чохь хи долу шиша кхуссу цо латархочунна тIе).
Макгрегор: "ДIалакъа, тентак".
"Суна ца хаьа дешнашца муха дуьйцур ду шуна сан дагчохь долчух лаьцна, шу кхетийта иза муха нисделира бохучух.", - яздина блогеро.
Хьалхо Москох зорбан конференцехь Макгрегор Конора ларам боцуш вистхиллера Нурмагомедовх а, берриг а суьйлех а, уьш кIиллой бу аьлла.