Кенехь хиллачу тIелатарехь 14 стаг вийна

Кенин шахьарерчу Найробин хьешан цIенна динчу тIелатарехь вийна лахара а 14 стаг. ТIелеттарш байина полисхоша, яздо Reuters агенталло. Маса вара зуламхо къаьстина даьлла дац. Ши эккхийтар а дина, дIалаьцнера хьешан цIа. Полисхой а, къайлахчу сервисийн белхахой а кхаьчнера оцу меттиге.


Масех граната а кхоьсина, герзаш детташ, гIишло чохь хьулбеллера тIелеттарш. 20 сахьтехь дIаяьхьира операци. ХIусамчуьра араваьккхира 700 стаг. Iедалша теракт ду динарг аьлла, дIакхайкхийна. Исламан радикалан "Аш-Шабаб" тобано шена тIелаьцна зулам.


ДжихIадхоша жоьпалла шайна тIе а лоьцуш, тIаьххьарчу шерашкахь Кенехь масийттазза хилла тIелетарш.


2015-чу шарахь Найробехь дира уггар а доккха тIелатар. Меттигерчу университетна тIелатарехь вийра 150 гергга студент.