Ша илли дика олуш хиларх дIахаийтина Кадыровс (видео)
"Ас дика олу илли. Бакъдерг аьлча, рэп алар ца нисло сан. Жимчохь дуьйнна дукхадезра суна иллеш. Тахана а дагахь ду суна айса "Три танкиста", "В лесу родилась елочка" эшарш лакхар. Ишта-м дика локху ас", - аьлла, дийцина Кадыровс.
Стохка гурахь интернетехь яьржира, Кадыровс нохчийн блюз "дIаолуш".
Ишта Нохчийчоьнан куьйгалхочун лаам бу шен карьера республикан урхаллехь ерзон. Федералан министраллан коьрте а хIуттур вацара ша, я пачхьалкхан куьйгалле гIертар вацара аьлла цо. "Со цу тIегIан стаг вац",- аьлла Кадыровс.
2007-чу шарера схьа дуьйнна ву Кадыров мехкан куьйгаллехь.