«Вясна» адкрывае віртуальную галерэю-архіў малюнкаў палітвязняў
Напярэдадні Дня салідарнасці з палітзняволенымі ў Беларусі Праваабарончы цэнтр «Вясна» запускае сайт, на якім сабраныя малюнкі палітзняволеных, што былі створаныя у СІЗА, калоніях, турмах ды на «хіміі».
Творчасць за кратамі дапамагае людзям пераключыцца з турэмнага быту і перажываць нялёгкі вопыт зняволення, дакранацца да родных і блізкіх праз выявы, нават падбадзёрваць тых, хто на волі. Захаваць малюнкі палітвязняў важна і таму, што яны ёсць частка гісторыі барацьбы беларусаў за свабоду, дэмакратыю і правы чалавека.
„Вясна” пастаралася сабраць з адкрытых крыніцаў максімальную колькасць выяваў, але калі ў кагосьці ёсць творы палітзняволеных, не прадстаўленыя на сайце — дасылайце іх на e-mail: viasna@spring96.org.
Вясна
Artykuł «Вясна» адкрывае віртуальную галерэю-архіў малюнкаў палітвязняў pochodzi z serwisu БЕЛАРУСКАЕ РАДЫЁ РАЦЫЯ.