Aubameyang`dan azarkeşlərini sevindirəcək sözlər
Arsenal`ın ulduz hücumçusu Pierre Emerick Aubameyang bu mövsüm komandanın tək yaxşı oyun nümayiş etdirən oyunçusudur. Hətta Arsenal`ın əfsanəsi Thierry Henry də onun oyununu xüsusi vurğulamışdı. Henry onun haqqında danışarkən bütün komandanın necə pis oynadığını və bütün bu vəziyyətə baxmayaraq Aubemeyang`ın isə öz sözünü hər oyunda dediyini bildirmişdi. Ancaq 30 yaşlı hücumçunun müqaviləsi bu mövsümün sonunda bitir və onun komandadan ayrılacağı ilə bağlı bir xeyli spekulyasiya ingilis mətbuatından nəşr edilmişdi. Bütün bu xəbərlərin və şaiyələrin üzərindən Aubameyang`ın verdiyi bəyanatla dünən axşam saatlarında xətt çəkildi. Oyunçu bütün bu xəbərləri yalanlayaraq hal-hazırda komandada olan vəziyyətin onu qane etdiyini və bu dəqiqə üçün sadəcə Arsenal barədə düşündüyünü bildirdi.