Егетне күзгә күренми торган «дошманнар» эзәрлекли башлаган
Яр Чаллыда яшәүче бер ана улын наркодиспансерга салырга тырышып карый. Әмма 24 яшьлек егет аннан баш тарта. Ул шулай ук психолог ярдәменнән дә баш тарта икән.
Егет күзгә күренми торган дошманнардан саклану өчен фатирдагы бөтен җиһазларны ватып, әйберләрнең астын-өскә китереп бетергән. Әнисе улының спайс тәмәке катнашмалары кулланганын һәм шуннан соң агрессивка әйләнүен әйтә. Егеттән күршеләре дә курка башлаган инде.