Зәйдә гриппка каршы прививка 3500ләп кешегә ясалды
Быел республикада грипп эпидемиясе гыйнварның икенче яртысында көтелә, дип фаразлый белгечләр. Шуңа күрә алдан ук профилактика чараларын күрү, вакцина ясату мөһим. Бүгенге көнгә республика сәламәтлек саклау учреждениеләренә федераль бюджет хисабыннан 932 мең вакцина кайтарылган. 1 ноябрьгә вакциналаштыру республикада төгәлләнергә тиеш. Безнең районда исә бүгенге көнгә бушлай прививкалар 3499 кешегә ясалган. Шулай ук оешма-предприятиеләр хезмәткәрләренә вакцинаны түләп алып урыннарга чыгып ясау мөмкинлеге бар.