Алматыда 2026 жылы жылу қашан беріледі: мерзімі аталды
Күннің күрт суытуына байланысты Алматыда жылыту маусымы әдеттегіден ерте басталады, деп хабарлайды Tengrinews.kz.
Жылыту маусымы басталады
9 қазанда Алматыда орталық жылыту жүйесіне қосу жұмыстары басталады.
"Бірінші кезекте жылу әлеуметтік нысандарға – балабақшаларға, мектептерге және медициналық мекемелерге беріледі", – деп хабарлады Алматы Энергетика және сумен жабдықтау басқармасы.
Тұрғын үйлер қашан қосылады?
Тұрғын үйлерді қосу 10 қазанда басталады.
"Үйге жылу берілгеннен кейін ПИК және МИБ мамандары үй ішіндегі жылу жүйелерін ретке келтіреді: радиаторлар мен тік құбырлардағы ауаны шығарып, қысымды реттейді және пәтерлердің біркелкі жылуын қамтамасыз етеді", – деп түсіндірді басқарма.
"Алматы жылу жүйесі" ЖШС компания қысқа дайындықты аяқтағанын хабарлады. Кәсіпорын ақау шыққан жағдайға қажетті материалдар мен жабдықтар қорын әзірледі.
2026-2027 жылдардағы жылыту маусымында қалада 16 апаттық-жөндеу бригадасы – 220 маман және 56 техника кезекшілік етеді.
Бұған дейін, Астанада жылыту маусымы ерте басталатыны белгілі болған еді: елорда әкімдігі бастау мерзімін 2 қазанға белгіледі. Ресми мәлімет бойынша, жылу беру маусымына дайындық аясында жылу желілері гидравликалық сынақтан өткізіліп, анықталған ақаулар жойылды, сондай-ақ жөндеу жұмыстары толық аяқталған. Толығырақ мына жерден оқыңыз.