Қазақстанның ең қымбат футболшысы анықталды: оның құны 1,5 миллион еуроға өскен
Порталдың бағалауынша, Дастан Сәтпаевтың құны маусымның аяғымен салыстырғанда бірден 1,5 миллион еуроға қымбаттаған. Ол кезде 18 жастағы футболшы "Қайрат" сапында өнер көрсетіп жүрген еді.Қазақстанның ең қымбат футболшылары
Дастан Сәтпаев ("Бернли") – 5 миллион еуро;
Максим Самородов ("Ахмат") - 4 миллион еуро;
Нұралы Әліп ("Зенит") - 2 миллион еуро;
Бахтиёр Зайнутдинов ("Динамо") - 2 миллион еуро;
Ислам Чесноков ("Крылья Советов") – 1,2 миллион еуро.
Айта кетейік, өткен аптада рейтингті Максим Самородов бастап тұрған болатын – оның құны миллион еуроға қымбаттады.
Дастан Сәтпаев деген кім?
Еске сала кетейік, Қазақстан құрамасының вингері Дастан Сәтпаевтың трансферлік құқығы лондондық "Челсиге" тиесілі. Ұлыританиялық алпауыт оны былтыр сатып алғанымен, 18 жастағы қазақстандық Англияға 2026 жылдың жазында ғана көшіп барған еді.Қазір Сәтпаев "Бернли" сапында жалдау шарты бойынша ойнайды. Ол жаңа командасы үшін әзірге гол соғып немесе нәтижелі пас беріп үлгерген жоқ.
Instagram-дағы бұл жарияланымды көру
Дастан Сәтпаевтың (@d.satpayev) жариялауы
Вингер Қазақстан құрамасы тарихындағы ең жас гол авторы болып отыр. Бұл ретте ол алған жарақатына байланысты команданың кейінгі ойындарына қатыса алмай жүр.
Еске сала кетейік, Қазақстан құрамасы Ұлттар лигасының бірінші туры аясында Фарер аралдары командасымен тең түсті (1:1). Бұл матчте Дастан Сәтпаев, Максим Самородов және Ислам Чесноков командаға көмектесе алмады.Қазақстанның ең қымбат футболшысы анықталды: оның құны 500 миллион теңгеге өскенБұған дейін Дастан Сәтпаев футболдан Қазақстан жастар құрамасының ойыншыларына үндеу жасады.