Дастан Сәтпаев “Челсиге“ оралды: мән-жайы белгілі
Британдық Mirror Sport шолушысы әлеуметтік желідегі парақшасында Қазақстан құрамасының вингері жарақатын "Бернли" дәрігерлерінің ғана емес, "Челси" мамандарының да көмегімен емдеп жатқанын атап өтті.
"Дастан Сәтпаев Кобхэмге ("Челси" ФК базасы – еск.) оңалту курсынан өту үшін оралады. "Бернли" сапында жалдау шартымен өнер көрсетіп жүрген футболшы өткен аптада "Мидлсброға" қарсы тең аяқталған матчте жарақатына байланысты алмастырылған болатын. "Челси" 18 жастағы шабуылшының спорттық бабын мүмкіндігінше тезірек қалпына келтіруі үшін "Бернлимен" тығыз жұмыс істеп жатыр", - деп хабарлады журналист.
Еске сала кетейік, "Бернли" бапкері Ники Хайен Сәтпаев жарақатына байланысты бірнеше апта алаңға шықпайтынын және қыркүйектің аяғы мен қазанның басындағы құрамалар матчіне берілетін үзілістен кейін толық айығуы тиіс екенін айтқан болатын. Дегенмен зақымның сипаты туралы хабарланған жоқ.
Кейінгі матчінде Сәтпаев 81 минут ойнап, алаңнан санын ұстап шығып кеткен еді.
Сатпаев "Бёрнлиде" өзін еркін сезіне бастағандай. Ол небәрі 18-де болса да — үздік ойыншы"Челсидің" болашағы, дами бер, балақайpic.twitter.com/JmYNyjf34j
— Juice (@CFCJuice) 2 қыркүйек, 2026 жыл
Сәтпаевтың "Челси" мен "Бернлиге" ауысуы
Еске салсақ, қазақстандық Дастан Сәтпаев маусымда "Челси" ойыншысы атанды. Ол лондықтар сапында бірнеше жолдастық кездесу өткізіп, гол соғып үлгерді.
Осыған қарамастан, клуб басшылығы бапкерлер штабымен бірлесіп, вингерді Чемпионшиптегі "Бернлиге" жалға беру туралы шешім қабылдады. Дастан бапкердің сеніміне тез ие болып, команданың кейінгі үш матчінде негізгі құрамда алаңға шықты.
Қазақстандық футболшы әлі гол соғып немесе нәтижелі пас беріп үлгермесе де, жанкүйерлер оның ойынына тәнті болды, ал лига оны "Мидлсброға" қарсы кейінгі кездесудің үздік ойыншысы деп таныды.
Instagram-дағы бұл жарияланымды көру
Burnley Football Club (@burnleyofficial) жарияланымы
"Бернли" бұл маусымда жеңіске жете алмай келеді
Айта кетейік, Сәтпаевтың жаңа командасы үшін маусым әзірге сәтсіз өтіп жатыр. Чемпионшиптегі алты матчтің үшеуінде команда ұтылып, үшеуінде тең түсті. Турнир кестесінде "Бернли" соңғының алдындағы орында тұр.
Сәтпаев жарақат алғаннан кейінгі алғашқы ойында "Бернли" 0:1 есебімен алда тұрған еді, бірақ екінші таймда "Рэксхэмнен" гол жіберіп алып, тағы да тең ойнады.
Дастан Сәтбаев жарақатына байланысты бірнеше апта бойы алаңға шықпайды
Ұлыбританиялық БАҚ Дастан Сәтпаевты “Челси“ құрамына қосты
“Мүмкіндікті күтемін“ – аңызға айналған форвард Сәтпаевтың командасында ойнау туралы