Apple бұрын-соңды болмаған iPhone дайындап жатыр: алғашқы пікірлер пайда болды
Тестілеушілерге не ұнаған?
Power On ақпараттық бюллетенінің соңғы санында журналист Марк Гурман Apple-дің жиналмалы смартфонын сынақтан өткізген адамдардың алғашқы әсерлері туралы айтып берді.
Олардың айтуынша, құрылғы қолға ыңғайлы орналасады және жиналған күйінде тіпті қалтаға да оңай сыйып кетеді. Тестілеушілер топсасын (шарнир) ерекше атап өтті: ол өте берік көрінеді, ал оны ашып-жапқандағы жұмысы жағымды әсер қалдырады.
@golbinbox_officia Алғашқы iPhone fold-18 Ultra ????#iphone18 #golbinbox #iphonefold #tech ♬ One Kiss (0.8X нұсқасы) - Kiiiu_????
Жиналмалы конструкцияның басты артықшылығы - корпустың көлемін үлкейтпей-ақ, үлкен экранға қол жеткізу мүмкіндігі. Смартфонды ашқан кезде дисплей диагоналі шамамен 7,8 дюйм болады деп күтіледі.
@xoneofficialph Алғашқы көрініс ???? iPhone Ultra #iphoneultra #iphone18 #iphone18promax ♬ Hipster - AVANT-BEATS
Тестілеушілерге қосымшалардың интерфейсі де ұнады. Ол iPad-қа ұқсайды және экранның кеңейтілген аумағын тиімдірек пайдалануға мүмкіндік береді. Бұл әсіресе қосымшалармен жұмыс істеу кезінде, видео қарау мен ойын ойнауда өте ыңғайлы болмақ.
Гурманның айтуынша, iPhone Ultra тестілеушілері Apple-дің алдағы жиналмалы смартфоны туралы мынадай пікір білдірген: > Face ID жоқ, тек Touch ID> Телефото камерасы жоқ> Камераның үлкен видоискателі ретінде пайдалануға болады> Құны 2000 доллардан асады деп күтілуде> Жетілдірілген топса механизмі> Оңай сыйып кетеді... pic.twitter.com/hUI5v8xxKk
- Noah Cat (@Cartidise) 24 тамыз, 2026 жыл
Көңілден шықпаған тұстары
Дегенмен, құрылғының кемшін тұстары да бар сияқты. Тестілеушілер арасында ең көп сұрақ тудырған - камера мәселесі.
Гурманның дерегінше, жиналмалы iPhone-да екі сыртқы сенсор болуы мүмкін: 48 мегапиксельді негізгі және ультра кең бұрышты камера. Ал телеобъектив бұл модельде қарастырылмаған.
Мүмкін, Apple корпусты барынша жұқа ету үшін одан бас тартуға мәжбүр болған шығар. Алайда, оптикалық зумның болмауы - жиналмалы смартфондарда мұндай мүмкіндікті ұсынып қойған бәсекелестердің фонында айтарлықтай кемшілік болуы мүмкін.
@brentriesss iPhone Ultra Fold-тың алғашқы көрінісі. Қалай ойлайсыз?#iphoneultra #iphonefold #iphone18 #iphone18promax #tech ♬ түпнұсқа дыбыс - Brentries
Тағы бір ықтимал кемшілік - Face ID-ден бас тарту. Бетті тану жүйесінің орнына Apple Touch ID-ді бүйірлік түймеге орнатады деген ақпарат бар.
Бұл да құрылғының конструкциясына байланысты болуы әбден мүмкін. Ашылған күйінде оның қалыңдығы шамамен 4,5 миллиметрді құрауы ықтимал.
Осылайша, Apple барынша жұқа әрі ықшам жиналмалы смартфонға бәс тіккен көрінеді, бірақ ол үшін кейбір үйреншікті функциялардан бас тартуы мүмкін.
@lucdoan184 iPhone Ultra-да қазірдің өзінде саусақ ізі сенсоры бар, бұл әлемнің ірі технологиялық серпіліске дайындалып жатқанын көрсетеді. #future #foryou #apple #iphone #dollytech ♬ Originalton - sonila
Жиналмалы iPhone туралы не белгілі?
Алдын ала мәліметтер бойынша, смартфон кітап принципі бойынша жиналатын болады. Жабық күйінде оның сыртқы экраны шамамен 5,5 дюймді құраса, ашқаннан кейін пайдаланушы шамамен 7,8 дюймдік дисплейге ие болады.
Әртүрлі дереккөздерге сүйенсек, корпустың қалыңдығы ашылған күйінде 4,5–4,7 миллиметр болуы мүмкін. Сондай-ақ Apple бүктемесі іс жүзінде білінбейтін топса мен экран үстінде жұмыс істеп жатқан көрінеді.
Инсайдерлер бұған дейін басқа да ықтимал сипаттамалар туралы хабарлаған болатын. Смартфонға A20 процессоры, 12 гигабайт жедел жады және сыйымдылығы 5400–5800 миллиампер-сағат болатын аккумулятор орнатылуы мүмкін.
Сондай-ақ, төрт камера, соның ішінде экран астына орналастырылуы мүмкін 24 мегапиксельді ішкі камера туралы айтылды. Дегенмен, құрылғының ресми сипаттамалары әзірге жарияланған жоқ.
Бағасы да кәдімгі iPhone-дарға қарағанда едәуір жоғары болуы мүмкін. Алдын ала деректер бойынша, 256 гигабайттық нұсқасы шамамен 2320 доллар, 512 гигабайттық моделі - шамамен 2610 доллар, ал 1 терабайттық нұсқасы - шамамен 2900 доллар болады. Бұл шамамен 1,4 миллион теңге.
Жаңа iPhone қашан таныстырылады?
Жаңа iPhone-ның шығуына бір аптадан сәл астам уақыт қалды. Ресми мәліметтер бойынша, таныстырылым 9 қыркүйекте Астана уақытымен сағат 22:00-де өтеді.
Тұсаукесерде тек үш модельден тұратын iPhone 18 желісі көрсетіледі деп күтілуде. Ал басты тосынсый Apple-дің алғашқы жиналмалы смартфоны болуы мүмкін.
Тағы оқыңыз: Apple жаңа iPhone бағасын көтеруі мүмкін: сомасы аталды