Нурмагомедов файтерлік мансабын қайта бастайды: жекпе-жектің өтетін күні мен орны белгілі
Аты аңызға айналған Хабиб Нурмагомедовтың інісі, танымал ресейлік файтер Абубакар Нурмагомедов үш жылдан аса үзілістен кейін жекпе-жекке қайта оралады. 2026 жылдың 20 қыркүйегінде Ыстамбұлдағы (Түркия) "ORA Arena" сарайында ол Давид Завадамен еркін күресте белдеседі.
Instagram-дағы бұл жарияланымды көру
AIGA GLOBAL (@aiga.global) жарияланымы
Бұл кездесу екі спортшы арасында есе қайтару болмақ.
2019 жылдың қарашасында Мәскеуде (Ресей) өткен UFC Fight Night 163 турнирінде Завада Нурмагомедовты бірінші раундта "үшбұрыш" әдісімен қылқындырып, жеңіске жеткен болатын.
Хабибтің інісі үш жылдан аса төбелескен жоқ
36 жастағы ресейлік төрт жекпе-жектен кейін 2024 жылдың ақпанында UFC-ден кетті. Ол кейінгі рет октагонға 2023 жылдың 3 маусымында Лас-Вегаста (Невада штаты, АҚШ) өткен UFC Fight Night турнирінде бразилиялық Элизеу Залески дус Сантосқа қарсы шықты.
Жекпе-жек толық үш раундқа созылып, жеңімпаз төрешілер шешімімен анықталды. Нурмагомедов күреске басымдық беріп, қарсыласын клинч пен партерде бақылауда ұстауға тырысқанымен, Залески сәтті қорғанып қана қоймай, тік тұрып төбелесуде тиімдірек болып, дәл соққыларды көбірек жұмсады.
Төрешілердің пікірі екіге жарылып, жеңіс бөлек шешіммен бразилиялыққа берілді. Финалдық гонгтан кейін оқыс оқиға болды: Залески байқаусызда соққы жіберіп, Нурмагомедов оған шапалақпен жауап қайтарды, бірақ жанжал ушықпады.
#UFCVegas74 Ресми нәтиже: Элизеу Залески дус Сантос (@ElizeuCapoeira 29-28, 29-28) Абубакар Нурмагомедовты (29-28) төрешілердің бөлек шешімімен жеңдіТолық нәтижелер: https://t.co/MiEzSQuUu0
— UFC News (@UFCNews) 4 маусым, 2023
“Әр жолы қиындап бара“ - Махачев Рахмоновтың салмағындағы қарсыластары туралы
UFC-дегі ең жылдам нокаут авторы атанған қазақстандық жаңа келісімшартқа қол қойды