Азия чемпионатында Қазақстанның әнұраны қосылмай қалды: құрама оны өздері айтып шықты
Оқиға Бангкокта (Таиланд) өтіп жатқан турнирдің алғашқы матчі алдында болды. Қазақстан құрамасы Жапонияға қарсы ойын өткізуі керек еді.
"Бүгін Бангкокта (Таиланд) су спорт түрлерінен Азия чемпионаты басталды. Өзінің алғашқы матчінде әйелдер құрамасы Жапония командасымен кездесті. Ойын басталар алдында командаларды таныстыру рәсімі кезінде техникалық себептерге байланысты ұйымдастырушылар еліміздің мемлекеттік гимнін қоса алмады.Біз дереу ұйымдастыру комитетіне жүгіндік. Ұйымдастырушылар болған техникалық ақау үшін жедел түрде шынайы кешірім сұрап, мұндай жағдай енді қайталанбайтынына сендірді", - деді Tengri Sport тілшісіне берген сұхбатында команда бастығы Назира Шагирова.
Дегенмен, бұл келеңсіздік Қазақстан құрамасын абдыратып қана қоймай, қыздардың өз талантын көрсетуіне мүмкіндік берді. Олар гимнді музыкасыз орындап, бұл сәтті мақтаныш сәтіне айналдырды.
"Бірақ ең тебірентерлік сәт алаңда болды. Біздің қыздар сасқалақтамай, нағыз ауызбіршілік, өз еліне деген құрмет пен жоғары патриотизм танытты - олар мемлекеттік гимнді а капелла түрінде шырқап шықты. Бұл сәт рухтың күштілігінің, бірліктің және Отанға деген шексіз махаббаттың символына айналды", - деп толықтырды Шагирова.
Айта кетейік, Бангкоктағы турнир 2027 жылғы әлем чемпионатына іріктеу кезеңі саналады.
Instagram-дағы бұл жарияланымды көру
Антон Бованың жарияланымы (@spor_tjob)
Бұған дейін конькимен жүгіру спортынан жастар арасындағы әлем чемпионатында ұйымдастырушылар Қазақстан гимнінің ескі нұсқасын қосып жіберген болатын.
Осыған ұқсас жағдай 2024 жылы да болды - Жәнібек Әлімханұлы мен жаңазеландиялық Андрей Михайлович арасындағы жекпе-жек алдында да гимннің ескі нұсқасы қойылған еді.