Яңа ел белән!
Хөрмәтле коллегалар, ветераннар, нефть төбәгендә яшәүчеләр!
Яңа елга без уңай үзгәрешләргә, киләчәктә матур уй-хыяллар чынга ашуына өметләнеп керәбез һәм, гадәт буенча, елга йомгак ясыйбыз.
Безнең компания өчен, илгә хас булганча, үтеп баручы ел киеренке һәм катлаулы булды. Вакыт сынавын без ныклыкка чыдамлылыкны тикшерү, үсешкә, резервларны эзләүгә стимул буларак кабул иттек. Нәтиҗәлелекне күтәрү буенча планлаштырылган стратегик инициативаларга кризиска каршы сценарийлар, чыгымнарны киметү, ресурсларны экономияләү программалары өстәлде. Бүген зур ышаныч белән без барлык сәнәгать һәм финанс күрсәткечләрен үтәдек, дип әйтә алабыз. Нефть табу күләмнәре артты, шул исәптән битумлы нефтьне эшкәртү бәрабәренә. “ТАНЕКО” комплексы яхшы темплар белән үсеш алды, анда нефть эшкәртүдән югары ликвидлы продукция җитештерелде. Якын киләчәктә бурыч – заводның куәтен икеләтә арттыру, углеводородлы чималны аеруны тирәнәйтү, ә болар нефть продуктларын премиум класслы бензин белән тулыландыру мөмкинлеге бирәчәк. Шин җитештерү сәнәгате яңа әйләнеш алды – Яңа ел алдыннан Түбән Кама шин заводы конвейерыннан өч миллионынчы шин төште.
Персоналларга каралган барлык социаль бурычлар үтәлде. Икътисади кыенлыкларга карамастан, без регионда бер генә социаль программаны да өзмәдек. Юллар төзелде һәм ремонтланды, парк һәм скверлар, спорт һәм мәдәният объектлары торгызылды, медицина һәм мәгариф учреждениеләренә ярдәм күрсәтелде. Бу уңышлар артында безнең халыкның таланты һәм энтузиазмы, безнең кыйммәтләр һәм традицияләргә тугрылык ята. Компаниянең барлык коллективларына – эшчеләр, белгечләр, җитәкчеләргә намуслы хезмәтләре өчен рәхмәт белдерәм. “Татнефть”кә нигез салган ветераннарыбызга без аеруча рәхмәтле. Туган төбәгебез, республикабыз үсеше бәрабәренә бергәләп хезмәттәшлек иткән партнерларга, муниципаль берәмлекләр вәкилләренә, регион халкына рәхмәт.
2016 ел безнең барыбыз өчен дә тынычлык, иминлек, игелекле гамәлләр елы булсын, һәр йортка бәхет-шатлык алып килсен. Яңа еллар белән сезне, дуслар!