Бавария Антони билан боғлиқ вазиятни изоҳлади

Бавария спорт директори Кристоф Фройнд Антони мавзусида ўз фикрларини билдирди. Бразилиялик футболчи ёзги трансфер ойнаси якунланишидан олдин Мюнхен клуби билан мулоқотда бўлган, аммо ўша пайтда "Бетис"га ваъда бергани сабабли таклифни рад этган эди.

"Ўша давр жуда нотинч эди. Биз бир нечта футболчиларни кўриб чиқаётган эдик, уларнинг орасида Антони ҳам бор эди.

У билан суҳбатлашдик, лекин бу аллақачон ўтмишда қолди. Ҳозирги таркибимиздан жуда мамнунмиз.

Ўша вазиятда яхши қарор қабул қилганимизга ишонаман", – деди Фройнд журналист Флориан Плеттенберг билан суҳбатда. Антони ўтган мавсумда "Манчестер Юнайтед"дан "Бетис"га ижарага олинган эди.

1-сентябр куни Севилья клуби 25 ёшли футболчини 22 миллион еврога сотиб олди.