Извештајот на Европската комисија за 2022 година пред пратениците

Собранието денеска ќе ја продолжи расправата по 91-вата седница, на чии дневен ред е и Извештај на Европската комисија за Република Северна Македонија за 2022 година. На дневен ред се и неколку предлог-ратификации, потоа предлог-финансиски планови на Регулаторната комисија за енергетика и на МРТ за 2023 година.


Една од точките по кои треба да расправаат пратениците е и Предлог на закон за изменување и дополнување на Законот за аудио и аудиовизуелни медиумски услуги, по скратена постапка и Предлог на закон за прогласување на Студенчишко Блато за Парк на природата, во прво читање.


Во посета на Парламентот се очекува и Делегација од израелскиот Кнесет, која ќе се сретне со претседателот Џафери и пратеничката Рашела Мизрахи, претседател на пратеничка група на Собранието на Република Северна Македонија за соработка со Парламентот со Израел.