АҚШ чегарасини ноқонуний кесиб ўтиш Байден даврида рекорд даражага етди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Куба ва Никарагуадан АҚШ-Мексика чегараси орқали ноқонуний кесиб ўтиш учун келганлар сони Жо Байден президентлиги даврида, хусусан, декабрь ойида рекорд даражага етди, дея маълум қилди ҳукумат аъзолари. Фавқулодда оқим Байден 5 январь куни кубалик, гаитилик, никарагуаликларни ва венесуэлаликларни ушлаб туриш чораларини қўллашидан бироз олдин содир бўлди. АҚШ ҳукумати декабрь ойида Мексика чегараси бўйлаб мигрантларни 251 487 марта тўхтатиб қолишга мажбур бўлган, бу ноябрдаги 234 896 мартадан 7 фоизга ва 2021 йил декабридаги 179 253 мартадан 40 фоизга кўпдир, дея хабар беради Божхона ва чегара хизмати. Декабрь ойида кубаликлар қарийб 43 000 марта тўхтатилган, бу ноябрь ойига нисбатан 23 фоизга ва ўтган йилнинг шу даврига нисбатан беш баравар кўп. Никарагуаликлар 35 000 мартадан кўпроқ тўхтатилган, бу ноябрь ойидан бери 3 фоизга ва 2021 йил декабрь ойидан буён икки баравар кўп. Эквадор ва Перудан келган муҳожирлар сони ҳам кескин ошган. Куба ва Никарагуадан келган қочқинлар оқими Техаснинг Эль-Пасо шаҳрини кетма-кет учинчи ой Мексика чегарасидаги тўққизта чегара патрул сектори орасида энг гавжум бўлди. Венесуэладан келганлар сентябрь ойидаги энг юқори кўрсаткичдан анча пастлаган, ўшанда Жанубий Америка давлати чегарадаги мексикаликлардан кейин иккинчи ўринда эди. Октябрь ойида Америка Қўшма Штатлари 24,000 тагача венесуэлаликни гуманитар шартли равишда қабул қилишга рози бўлди, айни вақтда Мексика эса АҚШга ноқонуний равишда кирган ва пандемия давридаги қоида бўйича депортация қилиниши мумкин бўлган ноаниқ ададдаги фуқароларни АҚШдан бошпана сўрамаслик шарти эвазига қайтариб олишга рози бўлди. Байден шу ойда АҚШ Куба, Ҳаити, Никарагуа ва Венесуеладан ҳар ойда 30 000 тагача одамни гуманитар шартли равишда қабул қилишини, агар улар онлайн ариза топширса, пуллик парвозлар ва молиявий ҳомий топса, уларга икки йил яшаш ва ишлаш имконини беришини айтди. Шу билан бирга, Мексика АҚШга ноқонуний равишда кирган ва "42-бўлим" деб номланувчи пандемия даври қоидасига кўра чиқариб юборилиши мумкин бўлган тўртта давлатдан келган фуқароларни ўзига олишга рози бўлди. Божхона ва чегара комиссари вазифасини бажарувчи Трой Миллер сўнгги чоралар фойдали бўлиши мумкинлигини айтди. "Дастлабки маълумотлар шуни кўрсатадики, кубаликлар, ҳаитиликлар ва никарагуалар учун кенгайтирилган чора-тадбирлар ҳам худди шундай таъсир кўрсатмоқда ва биз кейинроқ кўпроқ маълумот беришга ҳаракат қиламиз", деди у ОАВга берган маълумотида.