HRW: ვაფრთხილებთ რუსეთსა და უკრაინას, რომ არ განათავსონ სამხედრო ბაზები დასახლებულ რაიონებში
ნიუ-იორკში მდებარე ორგანიზაციამ 21 ივლისს გამოაქვეყნა ანგარიში, რომლის თანახმად ორივე მხარე ომის დროს "უდიდესი საფრთხის" ქვეშ აგდებს მშვიდობიან მოსახლეობას, როდესაც თავიანთ სამხედრო ძალებს განალაგებენ დასახლებულ რაიონებში, მიუხედავად საერთაშორისო ჰუმანიტარული სამართლის მოთხოვნისა, რომელიც ავალდებულებს მეომარ მხარეებს, რომ უსაფრთხოების ყველა ზომა იხმარონ მშვიდობიანი მოსახლეობის დასაცავად მათი უფრო უსაფრთხო რაიონებში გადაყვანით.
ანგარიშის თანახმად, ამ სამხედრო ბაზებზე შემდგომი იერიშების შედეგად დაიხოცა ან დაიჭრა მშვიდობიანი მოსახლეობა. "ვინაიდან ომი უკრაინაში გრძელდება, სამოქალაქო პირები ომში ჩაბმული აღმოჩნდნენ ყოველგვარი აუცილებლობის გარეშე. როგორც რუსეთის, ისე უკრაინის სამხედრო ძალებმა თავიდან უნდა აიცილონ თავიანთი სამხედრო ძალების მშვიდობიანი მოსახლეობის მახლობლად განლაგება და ყველაფერი უნდა გააკეთონ სამოქალაქო პირების ამ რაიონებიდან გაყვანისთვის",-განაცხადა HRW-ის წარმომადგენელმა ბელიკს ვილემ.
HRW-მა დოკუმენტურად დაადასტურა ოთხი შემთხვევა რუსეთის სამხედრო ნაწილების განთავსებისა დასახლებულ რაიონებში და სამი შემთხვევა, როდესაც ანალოგიურ ქმედება ჩაიდინეს უკრაინელმა სამხედროებმა, როდესაც სამოქალაქო მოსახლეობა არ იქნა გადაყვანილი უსაფრთხო რაიონებში.
გაეროს ადამიანის უფლებების სამსახურის სამეთვალყურეო მისიამ 29 ივნისს გამოაქვეყნა ანგარიში უკრაინაში ომის განმავლობაში ადამიანის უფლებების დარღვევის შესახებ. ის მოიცავს პერიოდს 24 თებერვლიდან 15 მაისამდე.
ამ დროის განმავლობაში, გაეროს ექსპერტებმა დააფიქსირეს 3924 მშვიდობიანი მოქალაქის სიკვდილი, ხოლო 4444 პირის დაშავება. რიცხვები რეალურად ბევრად მაღალია, რადგან ისინი ასახავს მხოლოდ დადასტურებულ შემთხვევებს.