Maanum blei superinnbytar
![Maanum blei superinnbytar](https://gfx.nrk.no/bPLNDwVa8nPKFG8lF3ObQQVOFGsqdiWj5EnBBh6RxgrA.jpg)
Frida Maanum scora to mål mot Leicester i den engelske superligaen i fotball. Serieleiaren vant 4–0.
Den norske landslagsprofilen stanga inn sitt første mål for kvelden i det 80. minutt. 256 sekund seinare nikka Maanum inn 4–0 i ein boge over keeper.
Ho slapp til som innbytar i det 71. minutt. 22-åringen står med fire scoringar for Arsenal etter overgangen i sommar.
Jordan Nobbs og Vivianne Miedema gav Arsenal 2–0 før pause. Leicester blei redusert til ti spelarar då Jemma Purfield fekk raudt kort med få minutt igjen av første omgang.
Maanum og co. er framleis utan tap i serien og har vunne åtte av ni kampar så langt. Leicester ligg heilt sist med null poeng.