Требуем привлечь к уголовной ответственности крышующих коррупционную деятельность Шарабидина миллиарда Капарова

КР Президенти С.Н. Жапаровго

723317, Ош облусу, Кара-Суу району, Кызыл-Кыштак айыл аймагы, Кызыл-Байрак айылынын тургуну Токторалиева Орозкандан

АРЫЗ

Биз Кызыл-Кыштак айыл өкмөтүнүн башчысы Шарабидин Капаровдун мыйзамсыз, коррупциялык схемалары жөнүндө мамлекеттик органдарга 2017 жылдан бери көптөгөн арыздар менен кайрылганбыз. Ошол арыздарыбызды текшеруу үчүн мурда Ош шаары жана Ош областы УКМК башкармалыгынын тергөө бөлүмүнө жөнөтүлгөн. Ал арыздарыбыз боюнча тергөөчү Теңирберди Борубаев бизден түшүнүк кат албай, бетме-бет сурак (очная ставка) өткөрбөй, үстүртөн тергөө амалдарын жургузуп, ар тараптуу, объективдуу карабай, мыйзамды одоно бузуп арыздарыбызды кылмыш иштин материалдарына тиркеген бойдон, эч кандай натыйжалуу тергоо амалдарын жургузгон эмес, кылмыш иштерди мыйзамсыз кыскарткан. Ош областтык УКМК башкармалыгынын мурдагы башчысы А.Дунаев жана тергөөчүү Т.Борубаев мыйзамсыз аракетсиздиги жана “маакулдашуусу”, Ош областтык прокуратурасынын тергөө амалдарына натыйжалуу көзөмөлүнүн жоктугунун натыйжасында Ш.Капаровду кылмыш жоопкерчилигине тартуу эскирүү мөөнөтүн атайын өткөрүшкөн. А.Дунаев, Т.Борубаев, тергөөнүү көзөмөл прокурорлору КР КЖК 339 бер. ылайык Кылмыш жасоодо шектелүүчү же айыпталуучу адамды прокурор же сотко чейинки өндүрүштү жүзөгө ашыруучу адам тарабынан жазык жоопкерчилигинен билип туруп мыйзамсыз бошотуу боюнча кылмыш жоопкерчилигине тартылышы керек. Себеби, алар Ш.Капаровду кылмыш жоопкерчилигинен атайын бошоткондугу натыйжасында мамлекетке өзгөчө ири өлчөмдө зыян келтирилген.

КР Башкы Прокурору К.Т. Зулушев коррупционерлерди мага айтыңыз, мен аларга сөзсүз чара көрөм, камайм, коррупционерлерди айткан адамдарды өзүм жана мамлекет коргойт, кылмышты жаап жашырган прокурорду прокуратура системасынан айдайм деген. УКМК төрагасы К.Ташиев пресс-конференцияда кылмышты жаап жашырган, коррупционерлерге чара көрбөгөн, коррупционерди камабаган УКМК кызматкерин мага айтыңыз, мен аны жазага тартып, УКМКдан айдайм деген. Бирок, коррупционер Ш.Капаров бизди куугунтуктап: “Менин артымда Матраимовдор кланы турат, Алмамбет Салиев мени коргойт!”-деп бизди опузалап, коркутуп, шантаждаган. Ошондуктан жемкор Ш.Капаров А.Дунаевди, Т.Борубаевди, прокурорлорду ошондой шантаждап, опузалаган болуушу мүмкүн. Ошондо гана биз укук коргоо кызматкерлерин кечиришибиз мүмкүн. Ошол эле учурда, Ош облусундагы укук коргоо органдарын кызматкерлерин, эксперттерди сатып алган болуушу мүмкүн. Себеби бир эле жер тилкени 30 миң доллардан сатып жатат, андай миң жер тилкелерди жасалма токтомдор менен саткан Ш.Капаров мамлекет эсебинен мыйзамсыз байыган, долларлык мультимиллионер. Ошондуктан, жер саткыч Капаровду эч качан кечире албайбыз. Жемкор Ш.Капаров мыйзамдарды, прокуратура органдары тарабынан белгиленген же мамлекеттик ыйгарым укуктар берилген Президенттин жана Өкмөттүн көптөгөн ченемдик укуктук актыларын аткарбаган. Бирок, ошого карабай Ош областтык жана Кара-Суу райондук прокуратуралары район акимине Капаровду ээлеген кызмат ордунан мөөнөтүнөн мурда бошотулушу жөнүндө сунуш берген эмес. Натыйжада Ш.Капаров мамлекетке жана айкөл кыргыз элине чыккынчылык кылып, мамлекетке өзгөчө ири өлчөмдө зыян келтирген.

“Жергиликтүү өз алдынча башкаруу жөнүндө” КР Мыйзамынын 49 бер. 7 бөл. 2 п. ылайык Айыл өкмөтүнүн башчысы мыйзамдарды, прокуратура органдары тарабынан белгиленген же мамлекеттик ыйгарым укуктар берилген Президенттин жана Өкмөттүн ченемдик укуктук актыларын аткарбагандыгы же талаптагыдай эмес аткаргандыгы үчүн - айыл кеңешинин депутаттарынын жалпы санынын көпчүлүгүнүн макулдугу менен, а мыйзамдар, Президенттин жана Өкмөттүн прокуратура органдары тарабынан белгиленген ченемдик укуктук актыларын бузуу фактылары кайталанган учурда,- айыл кеңешинин депутаттарын кабардар кылуу менен ээлеген кызмат ордунан аким тарабынан мөөнөтүнөн мурда бошотулушу мүмкүн.

Жогоркулардын негизинде Сизден суранабыз:

1) УКМК Ош областтык башкармасынын мурдагы башчысы А.Дунаев, тергөөчүү Т.Борубаев, тергөөнүү көзөмөл прокурорлору КР КЖК 339 бер. менен кылмыш жоопкерчилигине тартылсын.

2) Кылмыш жоопкерчилигинен мыйзамсыз бошотулган Ш.Капаров боюнча кылмыш жоопкерчилигине тартуу эскирүү мөөнөтүн калыбына келтирип, жоопкерчиликке тартылсын.

3) Прокуратура органдары район акимине Ш.Капаровду ээлеген кызмат ордунан мөөнөтүнөн мурда бошотулушу жөнүндө сунуш берсин.

4) КР Конституциясынын 33 беренеси жана “КР мамлекеттик органдарынын жана жергиликтүү өзалдынча башкаруу органдарынын карамагында турган маалыматтарга жетүү жөнүндө” КР мыйзамынын талаптарын негизинде Кызыл-Кыштак айыл өкмөтүно караштуу айылдарынан жеке менчик турак-жай куруу үчүн 2012-2021 жылдары аралыгында берилген жер тилкелерин жана муниципалдык жер тилкелерди алган жарандардын тизмесин, токтомдордун көчүрмөсүн жана ошол жерлерге жасалган Кызыл китептер, АПЗ жөнүндөгү маалыматтарды Кара-Суу райондук Кадастр жана райондук архитектура тарабынан алып берүүнүздү суранабыз.

Эгерде биздин мыйзамдуу талаптарыбыз аткарылбаса, биз жаш небере-балдарыбыз менен Бишкекке жөө журушко чыгышка жана Борбордук аянтта “Коррупционер Капаров кылмыш жоопкерчилигине тартылсын!”, “Коррупционерге адвокат болуп алган укук коргоо органдарынын тергөөчүлөрүнө чара көрүлсүн”, “Капаровду калкалаган Искендер жана Тилек Матраимовдор, Алмамбет Салиев кылмыш жоопкерчиликке тартылышсын!” ураандары астында митинг өткөрүүгө мажбур болобуз.

Коррупционердин курмандары О.Д. Токторалиева, Г.М. Мирзакаримова, 11 январь 2021 ж.

Р.S. Биз менен, биздин үй-бүлөбүз менен, биздин жеке менчигибиз менен бир нерсе болсо, Капаровду күнөөлүү деп эсептөөнүздү суранабыз, себеби бизди бир нече жолу жемкор Капаров жана уулдары өлтүрөбүз деп коркутушкан.