ბახტაძემ სოფელ ახალუბანში მოინახულა ცხინვალის იზოლატორიდან გათავისუფლებულები

„ძალიან მნიშვნელოვანი იყო, რომ მთელი მსოფლიო თანამეგობრობა ჩვენს გვერდით დადგა და მნიშვნელოვანია, რომ ჩვენი ყველა უწყება პირველივე წუთებიდან ჩართული იყო“, -  საქართველოს პრემიერ-მინისტრ მამუკა ბახტაძის სიტყვებს პრესსამსახური ავრცელებს.


პრესრელიზის თანახმად, ბახტაძემ ახალუბანში გერკეულების ოჯახს სტუმრობდა, სადაც მოინახულა ცხინვალის იზოლატორიდან გათავისუფლებული რვა ახალგაზრდა.


პრემიერთან ერთად სოფელში იმყოფებოდნენ პარლამენტის თავმჯდომარე არჩილ თალაკვაძე, სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი და შიდა ქართლის სახელმწიფო რწმუნებული გიორგი ხოჯევანიშვილი.


სოფელ ახალუბანში მცხოვრები 7 და მეჯვრისხევში მცხოვრები ერთი პირი 17 აგვისტოს გაიტაცეს. ისინი 20 აგვისტოს გაათავისუფლეს.