Yağıntı gözlənir

İyunun 22-də Bakı və Abşeron yarımadasında bəzi yerlərdə qısamüddətli yağış yağacağı ehtimalı var. Şimal-qərb küləyinin əsəcəyi, gecə və səhər onun arabir güclənəcəyi təxmin edilir.


Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 20-24, gündüz 28-32, Bakıda gecə 20-24, gündüz 30-32 dərəcə isti proqnozlaşdırılır.


İyunun 22-də Azərbaycanın əksər rayonlarında isə havanın əsasən yağmursuz keçəcəyi gözlənir. Lakin bəzi şimal və qərb rayonlarında qısamüddətli yağış yağacağı, ayrı-ayrı yerlərdə dolu düşəcəyi ehtimalı var. Gecə 20-24, gündüz 33-38, dağlarda gecə 13-18, gündüz 20-25 dərəcə isti təxmin edilir.