ერთი პირი დააკავეს ზუგდიდის მუნიციპალიტეტის სოფელ კოკში
ზუგდიდის მუნიციპალიტეტის სოფელ კოკის 97-ე საარჩევნო უბანზე ფიზიკური და სიტყვიერი დაპირისპირება მოხდა. პოლიციამ ერთი პირი დააკავა.
შინაგან საქმეთა სამინისტროს ინფორმაციით, დაკავებულს ბრალად ედება წვრილმანი ხულიგნობა და პოლიციელის კანონიერი მოთხოვნისადმი დაუმორჩილებლობა.
სააგენტო "ინტერპრესნიუსი" ოპოზიციის წარმომადგენლებზე დაყრდნობით იუწყება, რომ კოკში ფიზიკური და სიტყვიერი დაპირისპირების მიზეზი იყო საარჩევნო უბნის თავმჯდომარის მიერ შეცდომით დაწერილი საჩივარი.