Бокс. Ўрта вазн тоифасида WBA, WBC ва IBF камарларини бирлаштирувчи жанг бўлиб ўтди (+видео)
АҚШнинг Лас-Вегас шаҳридаги T-Mobile Arena мажмуасида профессионал бокснинг ўрта вазн тоифасида WBA ва WBC камарлари соҳиби Сауль «Канело» Альварес ҳамда ИБФ чемпиони Дэниэл Жейкобс ўртасида титулларни бирлаштирувчи жанг бўлиб ўтди.
Тўлиқ 12-раунд давом этган жангда ҳакамлар қарорига кўра, Сауль Алварес 115:113, 115:113, 116:112 ҳисобларида ғалаба қозонди. Шу тариқа, «Канело» 3та камар соҳибига айланди. Энди у мутлақ чемпион бўлиши учун WBO титулини ҳам қўлга киритиши керак бўлади.
Жангнинг видеосини томоша қилинг:
Эслатиб ўтамиз, Мексикалик 28 ёшли Альварес проф рингда 55та жанг ўтказиб, уларнинг 52тасида ғалаба (35 нокаут билан) қозонган ва 2 бора рақиблари билан муроса йўлини танлаган. Ягона мағлубиятини 2013-йилда енгилмас Флойд Мейвезердан қабул қилиб олган. Америкалик 32 ёшли Жейкобс эса фаолияти давомида 38та жангда қатнашиб, уларнинг 35тасида қўлиб баланд (29 нокаут) келган ва 2 марта муваффақиятсизликка учраган.