ევროკავშირი დათანხმდა, 22 მაისამდე გადაიტანოს ბრექსიტის თარიღი
დოკუმენტის თანახმად, 22 მაისი უკანასკნელი ვადაა. ამ დღეს გაიმართება ევროპარლამენტის არჩევნები. თუკი ბრიტანეთი კენჭისყრამდე არ გავა ევროკავშირიდან, მისი წარმომადგენლებიც იქნებიან არჩეული, რაც გაართულებს ბრექსიტის პროცესს.
დღეს ბრიუსელში დაიწყო ევროკავშირის ლიდერების ორდღიანი სამიტი. შეხვედრის მთავარი თემაა ბრექსიტის ვადის შეცვლა. მანამდე პრემიერ-მინისტრმა ტერეზა მეიმ ითხოვა ევროკავშირიდან ქვეყნის გასვლის ვადის გადატანა 30 ივნისისთვის. თავდაპირველი გეგმის მიხედვით, ბრექსიტი 29 მარტს უნდა შემდგარიყო.