Խուան Գուայդոն մտադիր է ուղևորվել Կոլումբիայի հետ սահման

Վենեսուելայի ընդդիմության առաջնորդ Խուան Գուայդոն, ով ԱՄՆ-ի և մի շարք լատինական և եվրոպական երկրների կողմից ժամանակավոր նախագահ է ճանաչվել, մտադիր է այսօր ուղևորվել դեպի Կոլումբիայի հետ սահման, որպեսզի փորձի հասնել հումանիտար օգնությունը ներս թողնելուն:


Գուայդոն ավելի վաղ խոստացել էր, որ հումանիտար օգնությունը երկիր կմտնեն փետրվարի 23-ին: Առայժմ հստակ չէ, թե ինչպես է Խուան Գուայդոն աջակիցների հետ ստանալու օգնությունը, քանի որ Վենեսուելայի բանակն ու ոստիկանությունը շարունակում է ենթարկվել Նիկոլաս Մադուրոյին:


ԱՄՆ-ից ուղարկված հումանիտար օգնությունը՝ սննդամթերք և դեղորայք, պահվում են հարևան Կոլումբիայի սահմանի պահեստներում: Նախագահ Մադուրոն, սակայն, թույլ չի տալիս այդ օգնությունը մտնի երկիր՝ Վաշինգտոնին մեղադրելով այդ օգնության միջոցով սադրանքներ հրահրելու մեջ, որն ուղղված է իր իշխանության տապալմանը:


Վերջին տարիներին Վենեսուելայում աննախադեպ տնտեսական ճգնաժամ է, սննդամթերքի և այլ առաջին անհրաժեշտության ապրանքների սուր դեֆիցիտ: