ეკა ბესელია: ჩვენ რომ „ნაცმოძრაობას“ ვებრძოდით კობახიძე გოგლი-მოგლს ჭამდა

„ჩვენ რომ „ნაციონალურ მოძრაობას“ ვებრძოდით და ტყვიების ზუზუნში ვიდექით, ამ სიტყვების ავტორი გოგლი-მოგლს მიირთმევდა და ჭუჭრუტანიდან გვიყურებდა“, - ასე შეაფასა საპარლამენტო უმრავლეობის წევრმა, ეკა ბესელიამ პარლამენტის თავმჯდომარის, ირაკლი კობახიძის განცხადება, რომელიც ბესელიას მიერ ინიცირებულ კანონპროქტს შეეხებოდა მოსამართლეთა დანიშვნის წესთან დაკავშირებით. ირაკლი კობახიძის შეფასებით საკანონმდებლო ინიციატივა არაკონსტიტუციურია.


,,ჩვენ რომ „ნაციონალურ მოძრაობას“ ვებრძოდით და ტყვიების ზუზუნში ვიდექით, ამ სიტყვებს ავტორი გოგლი-მოგლს მიირთმევდა და ჭუჭრუტანიდან გვიყურებდა, გადავრჩებოდით თუ არა. გოგლი-მოგლზე გაზრდილი პატარა ბიჭები თავს უფლებას რომ აძლევენ და ასეთი ტონით ლაპარაკობენ, აი ამის პასუხს მიიღებენ დღეს, ჩემს ბოლო დასკვნაში. ადამიანი, რომელიც თვლის, რომ ადამიანები, რომლებიც გუშინ დანაშაულს ჩადიოდნენ, დღეს გასხივოსნდნენ, მორალურად ზუსტად იქ დგას, სადაც ის ადამიანები იდგენენ, ვისაც ვებრძოდით“, - განაცხადა ეკა ბესელიამ.