ჩემპიონთა ლიგის მეოთხედფინალისტებმა ნახევარი გზა გაიარეს

უეფას ჩემპიონთა ლიგაზე მეოთხედფინალური ეტაპის პირველი „რაუნდი“ ესპანეთსა და გერმანიაში გამართული თამაშებით დასრულდა. მადრიდში „ატლეტიკომ“ ტურინის „იუვენტუსს“ უმასპინძლა და 2:0 მოუგო. გელზენკირხენის „შალკე“ კი საკუთარ მოედანზე 2:3 დამარცხდა „მანჩესტერ სიტისთან“.


ორ მეოთხედფინალურ წყვილში პირველი შეხვედრები უგოლოდ დასრულდა. „ლივერპული“ მიუნხენის „ბაიერნს“ დაუზავდა, „ლიონი“ - „ბარსელონას“.


ევროპის მთავარი საკლუბო ტურნირის უმაღლესი ტიტულისთვის ბრძოლას შემორჩენილი რვა კლუბიდან ოთხი საუკეთესო 13-14 მარტს გამოვლინდება, მეოთხედფინალის საპასუხო თამაშების შემდეგ.